Qad Barhane ki Warzish (Warzish #4)

Warzish No.4:

ye warzish 3 marhalo par mushtamil hai.is k triqe mundarja zain hain.

 Pahla marhala:

farsh par bilkul sedhe khre ho jain.apni dono aeryo ko farsh se upar uthain aur jis qadar tan kr khrey ho skte hain isi qadar tan kr khrey ho.phr apne dono bazuoo ko tasweer k mutabiq upar le jain.ap ki kohniya ap k sir se lg jain jaisa k tasweer main dekhaya gya hai.phr bazuoo ko pahli wali position par lain.is amal ko musalsal wqfe k bgair taiz taiz dohrain.


Dusra marhala:

is marhaley main farsh par sedhe khre ho jain.dono pao apas main miley hue ho.samney ki traf jhukain aur apne hatho ko ghutno se zra nechey lain.farsh se hath lgane ki zrurat nhi.phr sedhe ho aur jism ko pechey tak le jain.jaisa k tasweer main dekhaya gya hai.is amal ko bar bar dohrain.


Tesra Marhala:

farsh par kamar k bal lait jain.dono ko seene par is trah band lain k dayan hath bain kandhey par aur bayan hath dain kandhey par ho.
tangain upar uthain aur ghutno ko is jgah rakh lain jhan dono bazuoo se cross bna ho.jaisa k tasweer main dekhaya gya hai.is amal ko bar bar dohrain hatho ko kandho par he rahne dain.is warzish se tango main lachak paida ho ge aur rerh ki hadi bhi sedhi rhe ge.




Qad Barhane ki Warzish(Warzish #3)

Warzish No 3:

ye warzish 6 marhalo par mushtamil hai.pahli 2 warzisho ki trah isey bhi aap bari bari marhala war krain.in warzish se ap k qad main na sirf izafa ho ga bal k apka jism bhi smart aur pur kashish ho jaye ga.

Pahla marhala:

zameen par bilkul chit lain jain.bazuoo ko kandho k mutawazi phail lain.jaisa k tasweer main dekhaya gya hai.phr bain koolhey ko mor kr upar utha lain aur tango k andar khenchain jaisa k tasweer main nazar a rha hai.aisa krte hue ap ka upar ka pura dhar pahli position main rahna chiye.ye he amal ap dain koolhey k sath krain.aur bagair wqfe k ye amal taiz taiz 20 martaba dohrain.pahley pahal ye warzish krte hue apko dushwari mahsoos ho ge lakin phr jab apko is ki mashq ho jaye tu ap zyadah asan andaz main ye warzish kr skain gaye.

Dusra marhala:

is marhala main bilkul sedha alert khre ho jai.phr nechey jhukain aur tango k morey bagair dono hatho ko pao k qareeb zameen par lgain.is doran apni aeryo ko zameen se qadrey upar utha lain jaisa k tasweer main dekhaya gya hai.phr sedhe ho jain aur dono hatho se sir se upar le jain.is amal ko baar baar dohrate rhain.
yhan tak k ap thakwat mahsoos krne lgain.ye baat zahan nasheen rhe k warzish ka maqsad isi wqt pura hota hai jab ap usey musalsal us wqt tak krte rhain jab tak k ap mukammal tor par thkawat mahsoos na krne lgain.is trah aap k jism k musam khule gaye.dusre marhaley main ye warzish ap aik he ro main musalsal 20 martaba krain.aur 20 20 martaba krte rhain gaye.jab tak k ap thakawat mahsoos krne lgain.

 
Tesra Marhala:

warzish ka ye marhala pahley 2 marhalo ki nisbat qadrey asan hai.lakin is ki ahmiyat km nhi hai.iska triqa kaar ye hai k zameen par tangain sedhi phail kr beth jain jaisa k tasweer main dekhaya gya hai.isi trah bazu upar uthain,muthyan bnd krlain.is halat main pahley apne jism ko dain traf morain.tango main junbish na ho.phr bain traf morain.isi trah ye amal dohrate chaley jain.is amal se ap k pait ka hujam bhi km ho ga.aur jism main lachak ane se qad main bhi izafa ho ga.
isi halat main rahte hue bazuo ko nechey chor dain aur agay ki traf jhuk kr apne hath k panjo ko  pao k anguthey se lgain.phr sedhe ho jain.ye amal musalsal kai martaba krain.is se ap ki rerh hadi ko bohat faidah ho ga.


Chotha Marhala:

is marhaley main ap pait k bal zameen par sedhe lait jain.dono hath apas main jor lain jaisa k tasweer main dekhai de rha hai.isi trah apne pao bhi jor lain.phr apna agla dhar zameen se qadrey upar uthain aur tango ko bhi itna he upar uthain.is halat main apka sirf pait zameen se lga hua hoga.phr pahli wali position main ajain.is amal ko musalsal 10 martaba dohrain.

Panchwan Marhala:

is marhaley main dono ghutne aur hath zameen se tika dain.(tasweer k mutabiq) ap ka baqi pura jism zameen se upar ho ga.gardan qadrey upar uthi hui ho.phr dain taang ko is trah dain traf upar uthain k ghutna mura hua ho.jaisa k tasweer main dekhaya gya hai.phr taang ko pahley wali position main lain aur ye he amal bain taang k saht krain.isi trah ye amal bari bari dono tango k sath dohrate rhain.


Chatta Marhala:


is marhaley main ap farsh par sedhe lait jain phr tango se upar ka hissa upar uthain aur dono hath apne dain traf zameen par tika dain.jaisa k tasweer main dekhaya gya hai.is position main rahte hue apni bain taang ko upar uthain(tasweer k mutabiq)dain taang ko junbish nhi honi chiye.phr bain taang k pahley wali position main lain aur bilkul yehe amal dain taang k sath krain.aisa krte hue ap ko bain taang k sath dono bazu dain samt le janey ho gaye.bari bari ye amal dono tango k sath krte rhain hatta k ap thkawat mahsoos krne lgain.



Qad Barhane ki Warzish(Warzish #2)

Warzish No:2

pahli warzish ki trah ye warzish bhi apko mukhtalif mrahil main krna ho ge.in main se har marhala apni jgah aik mukammal warzish hai aur ye mrahil bari bari apko tay krna ho gaye.

Pahla Marhala:

is marhaley main apko aik gaind ki zrurat ho ge.jis main hawa bhri hui ho.pahley kamar k bal zameen par sedhe lait jain phr zain ki tasweer k mutabiq position bnain.hawa bhari hui gaind ko apni god main rakh lain aur phr isey upar ghutno tak le jain.is trah apka sir aur kandhey qadrey upar uth aye gaye.jab ap gaind ko ghutno tak le jaye tu phr nechey god main le ayen.is amal ko bagair wqfe k taiz taiz kam az kam 10 martaba dohrain.ye amal ap k kandho aur bazuoo main lachak paida kre ga.


Dusra marhala:

dono tangain jor kr sedhi rakh lain aur zameen par beth jain.dono hath koolho k pechey rakh lain.dono ghutno k sath aik aik gaind ya koi gol pathar rakh lain jaisa k tasweer main dekhaya gya hai.phr aik taang ko utha kr pao ko us gaind ya pathar par rakain jo ap k ghutne k sath pra ho ga.us k bad dusri taang k sath ye amal krain.(Tasweer k mutabiq) bari bari dono tango k sath ye amal bagair wqfe k taiz taiz kam az kam 20 martaba dohrain.


Tesra marhala:

is marhaley main zameen par bilkul chit lait jain.dono hath koolho k nehcey rakh lain.aur phr tasweer k mutabiq position bnain.yani ap k ghutne aur koolhey zameen se upar uthe hue ho.ye amal bar bar dohrain.is amal se ap k qad main kafi izafah ho ga.


Chotha Marhala:

aik aisi kursi par beth jain jo ap k ghutno k nechey k hisey se zydah onchi na ho.dono pairo ko jor kr kursi k nechey andar ki traf kr lain.jaisa k tasweer main dekhaya gya hai.jism ko bilkul sedha rakhain.dono hath samney ki traf le jain sans rok ko kuch dair tak isi halat main rhain.jab sans kharij krain tu jism ko dhela chor dain.5 martaba ye amal dohrain.

 Panchwan Marhala:

ye marhala bhi chothey marhaley jaisa hai.is marhaley main ap bilkul sedha khre ho jain.dono bazuo k darmyan hawa bhri hui gaind dba lain.
jism ko akra lain.aur sans rok lain jitni dair tak ap sans rok skte hain rokain.phr sans kharij krain tu jism ko dheela chor dain.ye amal 5 martaba dohrain.


Pahli Warzish ki trah ye warzish bhi 5 mrahil par mushtamil hai.agar aap pahli warzish ki trah ye warzish bhi marahala war krain tu ap k qad main izafe ka bais ho ge.



Qad brhane K lye Warzishain(Warzish #1)

Dor Lgana(Race)

dor lgane se bhi qad main izafa hota hai.subh uthne k bad kam az kam aik meel tak zrur dor lgaye.is se ap k jism k musam khulain gaye.uzlaat main kushadgi paida ho ge.doran-e-khoon main bahtri ho ge.aur is trah ap k qad main bhi izafah ho ga.dor lgana sahat k lye bohat mufeed hai.

Qad brhane K lye Warzishain


Warzish No.1

apne dono hatho aur ghutno k bal zameen par lait jain.ghutno se pechey dono tangain upar utha kr is trah apas main jor lain jaisa k tasweer main dekhaya gya hai.is k bar ap apne koolhu ko zameen se qadrey upar uthain aur andar ki traf saans khench lain.
sans zyadah dair tak andar khenchne ki koshish krain.jab tak ap sans rok skte hain rokain.aur is halat main rhain,jab ap sans kharij kr dain tu phr asal halat main ajain.ye amal kam az kam 10 martaba krain.is se ap k qad main numaya farq zahir hoga.


Dusra marhala:

pait k bal zameen par lait jain.dono bazu phaila lain.phr aik taang ghunta mor kr upar uthain jaisa k tasweer main dekhaya gya hai.dusri taang k saht yehe amal krain.bari bari dono tango k sath ye amal kam aza kam 25 martaba dohrain.is se aap ki tango ki lambai izafa ho ga.


Tesra Marhala:

is marhaley main zameen par kamar k bal lait jain.dono hath sir k nechain rakh lain jaisa k tasweer main dekaya gya hai.dono pao bhi apas main jor lain(tasweer k mutabiq),is k bad apni tango ko jhan tak ap upar le ja skain le jain.ghutno k darmyan zra sa kham rakhain(tasweer k mutabiq).tango ko isi position main rkhte hue apne sir ko thori dair upar uthain.yaha tak k ap ki paishani ap k ghutno k qareeb ajaye.phr dono tango ko zameen par sedha rakh dain aur us k sath apne sir ko bhi zameen se lga dain.aur us k foran bad ye he amal krain,bagair waqfe k is amal ko taiz taiz 10 martaba dohrain.is se apki tango ki lambai main bhi izafa ho ga aur kamar main bhi lachak paida ho ge aur ap k qad main ahista ahista izafa hona shru ho jaye ga.

 Chotha Marhala:

is marhaley main dono tangain zameen par sedhi rakh kr beth jain.dono hath koolho k nechey rakh lain jaisa k tasweer main dekhaya gya hai.
is k bad ghutna mor kr aik taang upar utha lain.dusri taang sedhi rhe.sedhi taang ko zameen se qadrey upar uthain.phr pahley wali position main ajain.is amal ko bagair wqfe k taiz taiz kam az kam 20 martaba anjaam dain.


Panchwa Marhala:

ye marhala bohat aham hai.tasweer ko bagor dekhain.sab se pahley ap dono tangain jor kr bilkul sedhe alert khrey ho jain.phr dayan hath kohni mor kr pait par rkha lain.isi trah bain taang utha kr jism 2 foot peche le jain.bayan bazu uthain aur kandho k mutawazi le jain.jiasa k tasweer main dekhaya gya hai.ab yehe amal dain taang aur dain bazu k sath krain.bagair wqfe k taiz taiz ye amal 10 martaba dohrain.is warzish se ap k jism main be had lachak paida ho jaye ge.jis se ap k qad main ahista ahista izafa hona shru ho jaye ga.

mundarja bala pancho marhaley main qad brhane k lye bohat aham sabit hote hain lakin shart ye he hai k ap ye warzishain musalsal aur bagair wqfe k krain.agar ap in main se koi ya tmam warzishain lmbey wqfe se kran gaye tu us ap k qad par koi asar na pre ga.qad brhane k lye zruri hai k aap warzish puri towajoh aur lagana se krain.


Qad brhane k lye geza ka munasib istemal

Qad brhane k lye geza ka munasib istemal

Hamara jism aik machine ki manind hai aur is machine ko rwan dwan rkhne aur tor phor se bchane k lye hum khurak istemal krte hain.hamari khurak mukhtalif ajza par mushtamil hoti hai.ye ajza jism ki mukhtalif zruryat puri krte hain aur in ki chmeyai mahiyat bhi aik dusrey se mukhtalif hoti hai.khurak k kuch ajza jism ko tawanai bakshte hain.kuch jism ki sikast-o-rkht ko pura krte hain aur kuch ajza jism k naye uzlaat aur nya khoon bnane main bhi madad dete hain jab k chand ajza jism k mukhtalif afaal main rabt paida krne main bhi madad dete hain.geza k zruri ajza ki kmi baishi se mukhtalif bemaryan paida ho skti hain.jo na sirf insani jism ko kamzor krti hain.bal k qad ki nashu-numa par bhi asar andaz hoti hai.is lye zruri hai k hmesha mutawazan geza istemal ki jaye.mahireen sahat ne insani khurak ko 6 bunyadi anasir main taqseem kya hai.
1.Lahmiyat
2.nisha-sta dar gezain
3.rogniyat
4.namkiyat
5.hyateen
6.pani


1.Lahmiyat

insani jism,rag-o-raisha ki nashu numa aur murammat k lye lahmiyat ka istemal intehai zruri hai.ye khalis,anaaj,garmi dar maiwo,dalo,anday,dudh,machli,gosht aur paneer wagairah main zyadah aur sabzyo main nisbatan km miqdar main paye jate hain.lahmiyat main carban,hydrogen,nitrogeb,oxygen,gandhak,phosphoras aur folaad bhi hota hai jo pani main hal pazeer nhi hain

2.Nish-sta dar gezain


jismani twanai k lye nisha-sta dar gezao ka istemal bhi bohat zruri hai.in ka angraizi mutaradaf Carbohydrates hai.carbo yani koilah aur hydrogen yani pani,dusrey lafzo main hytyati murakab jo carban,hydrogen aur oxygen par mushtamil ho.
nisha-sta dar gezao main gandum,makai,alu,nisha-sta,shakar qandi,ganna,singharey ka ara root,chawal,chaney,gur aur cheni shamil hai.ye mil kr hararat paida krte hain aur insani jism main twanai paida krte hain.aik nojwan admi ko nisha-sta dar geza rozana 8 ta 10 chitank khani chiye.q k is se qad ki nashu-numa par bahtreen asar parta hai.ye geza jism ko twanai mohiya krti hain neez jism ko gram rkhne aur mukhtalif twanai waley kaam krne main bhi madad deti hain.ye he wja hai k sard mumalik main nishast-dar gezao ka istemal zyadah miqdar main hota hai..

3.Rogniyaat


insani jism ko hrarat pohnchane ka bahtreen zarya hain.neez tawanai ka zakheerah rkhte hain.rogniyat main carban,hydrogen aur oxygen shamik hote hain.mosam sarma main tu in ki ahmiyat aur bhi zyadah barh jati hai.q k ye jism ko sardi k asraat se bchate hain.is k ilavah jism k aeza ki madad kr k kono main rahte hain.ta k hadyan itni numayan na ho.rogniyat main hal pazeer hyatain main A aur D shamil hain.is k kasrat istemal se admi mota ho jata hai.bhook jati rahti hai.aur hazma khrab ho jata hai.rogniyat tawanai ka baish bha zakheerah hote hain.is lye mazdoor tabqah ya jismani mushaqat krne wale afrad ghee,makhan aur tail ka istemal wafar miqdar kr lete hain.hamarey jism main rogniyat ki mojodgi agar munasib miqdar se tjawuz na kr jaye tu ye dil k amraaz aur blood pressure ka mojib bhi bn skte hain.is lye in ka istemal shi miqdar se zyadah nhi hona chiye.

4.Namkiyat 

insani geza ka sab se aham juzw "namkiyat" he hain.ye insani jism k har khulye k lye intehai zruri hain.ye khurak ka aik aham hisa shumar hote hain aur taqreeban hamari sari khurak main paye jate hain.aam namkiyat main calcium,maganeez,phosphoras,gandhak,loha,tanba,namak aur potasium shamil hain.in ki kmi se insan ko mutadid bemariyan lahaq ho jati hain.maslan calcium ki ye khasosiyat k aesab ko asudgi bakhshta hai aur dil ki harkat aur khoon k injamad main madad deta hai.ilavah azen hadyo aur danto ki nashu-numa main aham kirdar ada krta hai.u khoon main istemal hota hai aur jism k dusrey hiso main bhi paya jata hai.phosphoras ye rag-o-raisha ko shi halat main rakhta hai aur hadyo k lye bhi imdaad mohiya krte hain.tanba,lohey ko hazam krta hai.madad deta hai.acha khoon paida krne k lye loha bra he zruri hai.
potasium aur sodium insani jism main syaal mado k tawazun k bar qrar rkhte hain.bri madad dete hain.gandhak ka insani jism main mojood hona bra zruri hai k ye chemyai triqo se oxygen bnati hai.mandi namkiyat ki kmi k sabab dil kamzor hota hai,mareez ka khoon khrab ho jata hai.is k masoorhey sooj kr pil-pilay ho jate hain.khurdni namak k ilavah degar namkiyat ki bri miqdar hamain khane ki mukhtalif ashya se khud ba khud qudarti tor par hasil ho jai hai.namak se jism k andar aik taizab paida hota hai.jo brah raast khurak ko hazam krne main madad deta hai.degar namkiyat k ilavah sodium,tanbey aur gandhak k namkiyat ki bhi jism ko qaleel miqdar main he zrurat parti hai.khurdni namak k ilavah jism k lye calcium,magnesium,potasium,chlorine,folaad,carbon aur iodine jaise namkiyat ki jism ko be had zrurat parti hai.chuna cha is ka istemal bhi bohat he zruri hai.

5.Pani


pani qudrat ka iak bahtreen atya hai.mutawazan geza ki mojodgi bhi pani k bagair mumkin nhi.bal k is k bagair insani zindagi ki baqa he mumkin nhi hai.ye jism ki 7 bunyadi zruryaat main se aik hai.aur sab se aham hai.agar jism main pani ki kmi waqe ho jaye tu insani dimag main khalal par jata hai.ye fuzlaat ko kharij krne aur khoon ko patla rkhne main madad deta hai.ta k khoon jamney na paye.aur sarey jism main gardish krta rhe.garmyo main jism k darja hararat ko aetadal par rkhta hai.insan ko rozana taqreeban 2.5 kilo pani ki zrurat parti hai.pani ka kuch hisa gezao main bhi paya jata hai.geza k hazam hone main bhi madad deta hai.agarcha ye gezaiyat nhi rakhta taham us ki ifadiyat musalma hai.khurak ko hazam krne k lye pani ka istemal az had zruri hai q k khurak khane k bad jab tak hamari khurak mahlool ki shakal ikhtyar nhi krti wo maiday aur anto se guzar kr khoon main nhi ja skti.yani geza ko hazam krne k lye pani ka wajood lazmi hai.

6.Hyatain

hyatain wo chemai anasir hain jo k khurak main bohat he km miqdar main paye jate hain.ye insani jism ki nashu numa aur naql-o-harkat k lye bohat zyadah ahmiyat rkhte hain.ye jism main paida nhi hote bal k mukhtalif gezao se hasil kye jate hain in ki 2 qismain hain.aik pani main hal pazeer hote hain.jab k dusrey gair hal pazeer hote hain.hyataib ki insan ko bachpan se le kr burhapey tak zrurat parti hai.ye qudarti ho ya masnooi yaksaan faidah krte hain.ye goliyo ki shakal main bazar main bhi dastyab hote hain lakin agar vitamins mukhtalif gezao k zarye hasil kye jain tu zyadah bahtar hai.vitamins ko haroof-e-abjad se pahchana jata hai.maslan A,B,C,D etc

Vitamin A:

vitamin A har qism k janwaro k rogniyat k ilavah machli,gajar,anday ki zardi,makhan,palak,maithi,gobhi,aam,tmatar,sangtrah aur salaad wagairah main paya jata hai.rogniyat main hal pazeer hai.ye insani jism ki banawat aur qad ki nashu numa main aham kirdaar ada krta hai.jism main is ki mojodgi se bemaryo k khilaf quwat mudafeat paida hoti hai kmi se trah trah ki bemaryan paida hoti hain.

Vitamin B:

hamari geza main Vitamin B ki mojodgi hamrey aesab patho aur hazmey k fail k lye zruri hai is ki kmi se bhook kam lgti hai jism main khoon ki kmi ho jati hai neez bacho ki nashu numa ruk jati hai.is vitamin ki 4 mukhtalif surtain hain.aur ye drasal vitamins ka majmooa hai.vitamin ki number 1 pani main hal ho jata hai.aur hrarat se zaye ho jata hai.ye palak,machlo,alu,chuzah,phool gobhi,paneer,shahad,lobiya,saib,surkh mirch,strawberry,grape fruite,sangtrah,ananas,shalgham,chuqandar,tmatar,shakar qandi,aru aur alucha main paya jata hai.

 Vitamin C:

is hyatain ko angraizi main is ko aik acid kha jata hai.sab se pahley yehe vitamin daryaft kya gya tha.insani jism main agar is vitamin ki kmi waqe ho jaye tu chehray par jhuryan parni shru ho jati hain.vitamin C hamari geza ka aik nehayat aham juzw hai.agar kisi ki geza main ye vitamin shamil na ho tu sukar ve ki bemari lahaq ho skti hai.hadyo main nuqs paida ho jata hai.dil ko bhi nuqsan hota hai.uzlaat bhi kamzor ho jate hain.aik balig shaks ko 75mg vitamin C rozana zrurat hoti hai.ye lemu,sangtrah,grape fruite,narangi,tmatar,surkh mirch,band gobhi,alu shalgam,salad,palak,ananaas,soya been,aru,bhindi,tori,lobiya,kchalu,kachnar,kadu,kraila,kheera,kakri,matar,maithi,alucha,amrood,alu-bukhara,aam,injeer,anaar aur shahad main wafar miqdar main mojood hota hai.in chezo ka istemal vitamin C k hasul k lye zruri hai.

Vitamin D:


Hamrey danto aur hadyo ki nashunuma k lye vitamin D bohat ahmiyat ka hamil hai.is ki kmi se sukhne ka marz ho jata hai.calcium insani sahat k lye be had zruri namak hai.magar is ki gair mojodgi main calcium shi triqw se apna kaam nhi kr skta.is k bar aks is ki zyadah miqdar bhi nuqsan dah sabit hoti hai q k is ki zyadti se calcium dil aur jism k mukhtalif hiso main jam jata hai.
Vitamin D german science dan Windon ne daryaft kya tha.ye hadyo ki nashu numa danto aur jild par parne wali jhuryo ko rokne main bohat mufeed sabit hota hai.is k qudarti zrai darj zail hain.
machli ka tail,anday ki zardi,makhan,dudh,shahad,balai,badaam,naryal aur suraj ki roshni Vitamin D ka sab se bra zarya hai.is lehaz se pakistan k bashinday khush qisamt hain k in ko bagair kharch k vitamin D hasil ho jata hai.bahar haal jin degar chezo se ye hasil hota hai in ka istemal zruri hai.

Vitamin E:

is ka chemyai naam toko ferol hai.is se nasal brhane ki salahiyat barqrar rahti hai.ye vitamin maa se bachey main muntaqil hota hai.is k hasool k bahtreen zraye gandum,salad,chaney,alu,band gobhi,lobiya,chuqandar,soya been,gajar,badaam,akhrot,pistah,shahad,til,chilgozey,khubani,moong phali,andah,machli,dudh aur makhan hain.

Vitamin F:

vitamin F jild ko narm-o-mulain rkhta hai.shair khawri k dor main mao ko vitamin ki bohat zrurat hoti hai,is se bachey par bohat asar parta hai jo k is k qad par namudar hota hai.ye vitamin saib,nashpati,angur k chilko aur dudh main kafi miqdar main paya jata hai.

Vitamin G:

is vitamin main vitamin B ki tmam khasoosiyat pai jati hai.bafto,patho aur khoon ki naliyo ki murammat aur tameer main aham kirdar ada krta hai.is ka hasool bhi qad barhne k lye bohat zruri hai.

 Vitamin H:

ye tmam sabz patto wali sabzyo,anday ki zardi aur phlo main paya jata hai.ye qad brahne k sath sath balo ki nashu-numa k lye bhi muawin sabit hota hai.

Vitamin K:

ye vitamin sabz patto wali sabzyo,tmatar,anday,soya been,gajar,palak,shahad neez haiwani anto main paye jane wale jraseem main bhi ye vitamin mojood hote hain,

Vitamin P:

ye vitamin bafto ko sahat mand bnaney main mufeed sabit hota hai,ye narangi,tmatar,lemu,kenu,aur sabz mirch main wafar miqdar main paya jata hai.ye wo akhri vitamin hai jo kuch arsa qabal he daryaft hua hai.

is ki adam mojodgi main khoon ki sharyanain aur ragain kamzor par jati hain jis se qad chota rah jata hai.

Qad Aur Wazan Ka Tanasub

Qad Aur Wazan

Qad k mutabiq agar ap ka wazan bohat zyadah ho gya hai tu phr ap ka qad mazeed barhna mushkil ho jaye ga,zail main aik chart dya ja rha hai apko chiye k is chart k mutabiq pahley apna qad mapain,phr apne qad ki lambai k mutabiq apna wazan control krain.is chart main ye zahir kya gya hai k qad k mutabiq kam az kam wazan kitna aur zyadah se zyadah kitna hona chiye.

Wazan(Maximum)                          Wazan(Minimum)                                     Qad
60.5 kg                                                  52.5 kg                                                  155 cm
62.5 ..                                                    54.5                                                        157 cm
63.5                                                        55.5                                                        160
65                                                           57                                                           163
67                                                           58                                                           165
67.5                                                        60                                                           168
71                                                           62                                                           170
73                                                           64                                                           173
75                                                           66                                                           175
77                                                           67.5                                                        178
80                                                           69.5                                                        180
81.5                                                        70.5                                                        183

qad k sath sath insan ki jisamat bhi shaksiyat par asar andaz hoti hai aur ye haqeqat hai qad ka jisamat se gahra taluq hai agar choti umar main apki jisamat bohat barh gaye hai tu qad chota rah jane ka khadsha ho ga.bohat motey ya bohat dubley insan ki shaksiyat dilkash nhi ho ge.motapey ya lagar pan se chutkarah hasil krna zruri hai.apna wazan matawazn rkhne k lye zruri hai k sahat par tawojh de jaye qad aur umar ki munasibat se ap ka wazan hone chiye.lakin kisi umar main kitna wazan ho us k barey main hatmi tor par kuch nhi kha ja skta hai qad aur umar k lehaz se faltu wazan ko zahan nasheen kr lain aur is ko km krne k lye aik miqdar muqarar kr lain.wazan ko ahish ahishta ghatain,hafta main aik ya adh pond wazan kam hona munashib hai.

agar ap ki umar 20 sal se kam hai aur ap ka qad chota hai tu apko preshan hone ki zrurat nhi hai q k 20 sal tak qad taizi se barhta hai aur kisi tor par 25 sal ki umar tak barhta rahta hai aur us k bad qad barhna bilkul band ho jata hai.agar zyadah umar ho jane k bawjood bhi apka qad chota hai tu phr ap mukhtalif warzisho k zarye apne qad ko 2 inch se le kr 6 inch tak braha skte hain in warzisho k doran main apko apni khurak par bhi bohat tawojah dena ho ge.ta k jism kenchne se kamzor aur dubla patla na ho haye.in warzisho ko baqaidah krte rahna chiye.agar ap warzisho se ukta kr inhain chor dain gaye tu ap k qad main izafah mumkin na ho ske ga.

Baal Ghaney Lambey krne ka triqa,Girtey Baal Aur Baalo ki khushki ka ilaaj


Baal(Hair):


Aurat ki khubsurti ka aham juzw "bal" hain.shairo ne gaisuoo par mukhtalif andaz main taba azmai ki hai aur ye haqeqat bhi hai k khubsurat bal har aurat ki kamzori hain.

agar ap k bal katey phatey,bad rang aur khushk hain tu wo dekhne wale par acha asar nhi dalain gaye aur apki shaksiyat bhi pur kashish nhi lge ge.lehaza zrurat is bat ki hai k ap jhan apne chehrey ko towajoh dete hain whan balo ko na bulye.aaj kal ye shekayat aam hai k baal gir rhe hain ya jaldi sufaid ho rhe hain.

sahat mand balo k lye apni geza par bhar poor tawojoh dain.balo ko sahat mand rkhne k lye ap mundarja zail gezain istemal krain.

 

Bal Ghane aur lambey krne k lye:


Rogan Zaetoon ya naryal k tail se msaj krain aur bhaap dain.phr kisi achey shampoo se sir dho lain.

sarso k tail main custar oil mila kr lgain.

dhe aur dudh ka msaj krain phr aik litre pani main lemu ka ras dal lain.shampoo krain aur ye pani bhi istemal krain

khushk amla,rethey aur bairi k pattey hum wazan le kr bhego dain aur is pani se sir ko dhoin.

maithi k beej,amla,rethey,seka kai bareek pees lain phr malmal k kaprey main chan kr mila kr rakh lain aur istemal k wqt garmyo main dhe aur sardyo main pani main ghol kr mahndi ki trah sir par lape kr lain.3 4 ghnte k bad dho lain.

Rat k wqt lemu k rus aur us k hum wazan glacerine le kr balo ki jro main achi trah msaj krain aur suubh uth kr thanday pani se sir dho lain. 5 din tak ye amal krain

kam se kam 2 mah tak dhe se sir ko dho kr naryal ka tail dal kr malish krain.

rethey aur bal charr ko pani main khub josh dain.jab pani ki rangat syahi mail ho jay tu pani utar kr thanda kr lain aur is pani se sir dhoin.is trah bal lambey aur ghane ho jaye gaye,

 

Balo ki khushki k lye:


sarso ka tail,andah aur dhe ko mila kr mahene main 2 martaba sir par lgain.

multani matti pees kr tail main mix krain.

sarso ka tail aur glacerin hum wazan le kr balo main lgain.

khashkhaash ko dudh main bhego kr lgain,

mehndi ko dudh main mila kr lgain.

lemu ka rus aur glacerin balo main,5 din tak rat ko lga kr soyen aur subh sir dho lain.

haftey main aik martaba andah mehndi,lemu ka arq aur sarso ka tail hum wazan le kr balo main lgain.

naryal k tail main lemu mila kr sir main lgain.

zaetun ka tail aur andah mila kr balo ka jro main aik ya do ghnte tak lga rahne dain.hafte main 2 martaba ye amal krain,

2 brey chammach sirkah aur 6 brey chammach pani rui ki madad se lgain,

zaetun aur sarso k khalis tail se sir ki khoob malish krain.phr andah phaint kr lgain aur khoob ragrain.thori dair k bad neem gram pani se sir dho lain.

zaetun k tail ki sir main khoob malish krain.aik ghnte k bad seeka kai ki phalyo se sir dho lain.

 

Girtey Balo K Lye:


3 chammach sarso k tail main pani main hum wazan mila kr lgain.

chuqandar ka pani,khushk amla,mehndi k pattey,tilo ka tai in sab ko pka kr chaan lain aur balo main wqtan fwqtan istemal krain

bathu k saag ka pani sir par lgain.

seeka kai,maash ki dal,maithi bareek pees kr sir par lgain.

shahad main 2 hisey lemu ka arq mila kr sir pe lgain.

aik pao masoor ki dal main aik andah mila kr saye main khushk kr lain.khushk ho jane par usey bareek pees kr rakh lain aur sir dhone k lye istemal krain.

agar bal zydah girte ho ya bohat km aur patley rah gaye ho tu us k lye Vitamin A aur Vitamin D ka istemal krain.neez hafte main 3 martaba sarso k tail main custar oil mila kr lgain.gram pani se sir ko har giz na dhoin bal k neem gram pani istemal krain.

Gymnastic k zarye qad barhana

Gymnastic k zarye qad barhana


Gymnastic aik aisa mushkil aur paichedah fun hai k har koi is main main muharat hasil nhi kr skta.is fun ka zrye jism main be panah lachak paida ki jati hai yha tak ap apni sakht se sakht hadi bhi mor skte hain.is fun se jism k har aeza main khechao zyadah hota hai is fun k zarye bhi ap apna qad brha skte hain.zail main aik tasweer paish ki ja rhe hai is tasweer main aap jis shaks ko dekh rhe hain wo gymnastic ka mahir hai us ne rubber k aik lambe tukrey k serey apas main jor kr usey dono pairo main se guzar kr dono hatho main pakar rkha hai.rubber ka ye lamba tukra us k dain ghutney se chuta hua upar ja rha hai,aur wo bain traf ko jhukao paida kr k dain bazu k tukrey ko mazeed lamba krne ki koshish kr rha hai aur pairo par bhi quwat azmai kr rha hai.yani wo jism k har uzw ko harkat de kr rubber k tukrey ko lamba krne ki koshish main hai.is triqe se aik tu jism main lachak paida hoti hai aur agar ap musalsal ye amal krte rhain tu qad brhane k lye bhi ye aik nadir triqa hai.is tasweer k mutabiq pahley jism k dain hisey ko lachak dain aur phr dain hisey ko bain hisey ki manind sedha kr k bain hisey ko lachak dain.ye triqa musalsal ikhtyar krne se ap apne qad main izafa kr skte hain.

Pahli Baat Aur Qad Chota Q Rah Jata Hai?

PahliBaat

chota qad shaksiyat ko maskh kr deta hai.jab k lamba qad khubsurti aur smart pan ki alamat smjha jata hai.aur phr chotey qad k admi ko zindagi main kai trah ki dushwaryo ka samna bhi krna parta hai.police ka mahakma ho,fooj ka mahakma ho ya degar sarkari idarey, in sab main lambey qad k admyo ko he bharti kya jata hai.aur pasta qad admi chahey kaise he salahiyato ka hamil q na ho usey mustrad kr dya jata hai.is lye chotey qad k masley par ab dunya bhar main bri sanjeedgi se gor ho rha hai.hamarey muashrey main 5 foot 7 inch qad nehayat munasib smjha jata hai.European mumalik main 6 foot se zyadah qad rkhne waley ko qadar ki nigah se dekha jata hai.lakin aisai mumalik main europeo k mumalik main qad chota paya jata hai.cheen,japan,thiland wagairah k logo k qad tu bohat he chota hota hai.

chota qad rah jane k kai awamil ho skte hain.morosi asar,ab-o-hawa ya jismani kamzoryan,bahar-haal qad chota rah janey ki koi bhi waja ho..chota qad admi ki khawhish hoti hai k us ka qad barh jaye.

Qad Chota Q Rah Jata hai?


insani jism aik machine ki trah hai aur jism k andar mojood antain,hadyan,sharyanain wagairah goya purzo ka kam krti hain.aur tazah khoon endhan k tor par jism k har uzw ko rawa rkhta hai aur hamarey qad k barhne ya kam hone par in aeza ki harkaat ka bohat gahra asar parta hai.drasal insan k jism ki banawat bohat paichedah hai.insani jism un-ginat khulyo se mil kr bnta hai.aur ap in hisso ko raishey kehte hain kuch raishey aise hote hain jo jism ki bairooni satah par asar andaz hote hain aur baironi satah ko mazboot bnane main kar gar sabit hote hain.jab k kuch raishey aise hote hain jo k dusrey raisho ko jorney ka kaam krte hain.kuch raihsey hamarey jism ki nasain bnete hain.kuch raishey patho ko bnaney aur sanwarney ka kaam sair anjaam dete hain aur inhi raisho k majmuey ko uzw kehte hain.ab ye in raisho ki quwat hai k wo uzw ko kis qadar taqatwar bnate hain.agar uzw ibteda main he kamzor ho tu la-muhala hamarey qad par bura asar parta hai aur hamara qad chota rah jata hai.
qad k chota rah jane main jism k nawahi nizamo ka bhi bohat hisa ha.ye nawahi nizam ye hain.dhanchey ka nizam,hazmey ka nizam,nizam tanafus,pattho ka nizam,touleed ka nizam,nizam bhao,nizam nafooz aur nizam tark...agar ye nizam drust na ho tu qad chota rah jata hai.aur us ki munasbi nashu-numa nhi hoti.agarcha hamarey jism main ye sab nizam apna apna kaam krte hain lakin ye sab mil kr bhi kam krte hain aur in main se kisi aik nizam ki be-zabtagi degar nizamo par burey asraat muratab krti hai.
Qad k chotey rah janey main sab se zyada jin cheez ka dakhal hota hai wo hai rerh ki hadi ki na munasib nashunuma,baas oqat rarh ki hadi intehai galat andaz main mur jati hai aur qad ki nashu-numa ruk jati hai.shayad ap nhi jantey k hamari rerh ki hadi choti choti hadyo k 33 tukro(fiqreney) par mushtamil hoti hai.ye tukrey dusri bafto k zarye jurey hote hain.agar rerh ki hadi ko puri lambai par taan kr na rakah jay tu ye murne ki koshish krti hai.agar kmar ko jhuka kr bethna ya chalna hamri adat bn jaye tu qad ka barhna bohat mushkil hota hai.is lye koshish krni chiye k hum kbhi bhi jhuk kr na bethain bal k kamar ko sedha taan kr betha jaye.agar hamain kamar ko jhuka kr aur aeza ko dheela chor kr bethne k adat bn jain ya morosi tor par hamara qad chota rah jaye tu phr hamain qad brahne k lye amli koshish krni chiye.
Qad chota rah jane ki aik aur aham wja verasat ka asar bhi hai.g han-shayad ap hairan ho lakin ye haqeqat hai k bohat se logo k qad mahaz is lye chotey rah jate hain k in k aba-o-ajdaad k qad chotey hote the.agar ap k waldain k qad thigna hai tu yaqenan is ka asar ap k qad par bhi pre ga.ye zruri bhi nhi hai q k bsa oqat thigney maa baap ki olaad draz qad bhi hoti hai lakin aisa bohat kam hota hai.bahar haal sciency tahqeeqat se ye bat abhi mukammal tor par sabit nhi ki ja ski k kya waqai qad par rang,awaz,andaz ki trah verasat ka asar parta hai.mahireen ka kehna hai k qad par verasat ka 100% asar parta hai.agar aisa hai bhi tu preshan,mayoos hone ki koi bat nhi q k is traqi yaftah dor main qad ka barhana ab aisi koi na-mumkin bat nhi rhe.
agar insan koshish kre tu morosi tor par chota rah janey wale qad main izafa kr skta hai.munasib khurak aur warzisho k baqaidah program se is kami par qabu paya ja skta hai aur agar ap k waldain thigney hai lakin qudarti tor par ap ka qad lamba hai tu yaqen manain aap dunya k khush qismat insan hain.lakin khush qismati k ahsas main ye mat bhool jaye ga k chun-k ap lambey hain tu ap ki olaad bhi lambey qad ki malik ho ge.nhi.hum apko bta chukey hain k qad par verasat ka bohat gahra asar parta hai aur verasat se murad sirf maa baap he nhi bal k dada,par dada bhi shamil hote hain.kehne ka matlab ye hai k agar aap k maa baap thigney the.ap lambey ho gaye tu zruri nhi k ap ki olaad par bhi ap k qad ka asar na ho aur ap ki olaad chotey qad ki rah jay.lehaza ap ko bachey ki dekh bhaal bachpan se he shru kr deni chiye
bacho ki shru main he munasib andaz main dekh bhal ki jaye tu wo bahtreen nashu numa pate hain aur umar k saht sath in k qad main izafa hota rahta hai.wo achey qad kath aur dail dol k malik bnte hain.lehaza waldain agar in ki nashu numa par tawojh dain tu koi wja nhi k in main koi jismani kmi rah jaye.bachey ko khuli jgah par sulana chiye.charpai k bjaye chitai bahtar hoti hai jis se kamar sedhi rahti hai aur jism k aeza mazboot hote hain chotey bachey late kr amoman zor zor se hath pao chalatey rahte hain.chuna-chah inhen sakht zameen par lita dya jay tu wo achi trah pao mar kr khoob waizish kre ga.aur jab wo bra ho ga tu us ka jism intehai sedool,narm, aur lachakdar bne ga.aur qad bhi qabil rashk bra ho ga.

Learn English In Urdu - "Want I Need+VI ING,Unless," ka istemal sekhain


Want I Need + VI Ing




Your mind needs repairing.                                         tmhara dimag thek hone wala hai.

My bike needs Oiling.                                                    meri cycle ko tail lgne wala hai.

Your clothes need washing.                                        tmhare kapre dhulne wale ho gaye hain

My house needs white washing.                              mere ghar ki sufaidi hone wali hai.

You just need beating.                                                  tmhain bus mar parne wali hai.

Who wants Schooling.                                                   kon seedha hone wala hai.

It wants polishing yet.                                                    uski bhi malish hone wali hai.


Unless

I won't go unless you say yes.                                                    main nhi jao ga jab tak k tum haan na kro

He won't speak unless he gets beating.                                     wo nhi boley ga jab tak na usey mar pre

You can't speak English unless                                                    tum english nhi bol skte jab tak

you remove you hesitation.                                                        k apni hich-kichahat na hta lo.

Children don't speak unless they are given candies.         bachey bat nhi kr skte jab tak k inhen gloiyan na de jayen.


Drill


care                                       fikar krna                                             carry                                      le jana

careless                                gair mohtaat                                      cart                                        chakra

cabby                                    kochwan                                              carve                                     trasha

cackle                                    bak bak krna                                      cast                                        phainkna

cage                                       pinjrah                                                  candid                                   rast baaz

calm                                       khamosh                                             canny                                    makkar

Agla Sabaq "Enough,Before VI ing-Noun" ki mukhtalif qism k istemal ko janiye.

Learn English In Urdu - "Too-To,So-That" ka english main istemal sekhain


Too-To

Tea is too hot to drink.                                                   chaiye itni gram hai k pee nhi ja skti.

I am too small to fight.                                                   main itna chota hu k lar nhi skta.

Are you too poor to buy a pen.                                  kya tum itne gareeb ho k aik pen nhi khred skte

Never too young to die.                                                itna chota na smjho k asani se mar sko gaye

He is too young to go there alone.                           wo itna mushkil hai k ise asani se nhi smjaya ja skta

She is gone too far to come back.                             wo itni door chali gaye wapis nhi a skti.


So--That

It's so easy that even a child can do it.                                 ye itna asan hai k aik bacha bhi ise kr skta hai

I was so busy that I couldn't go with you.                             main itna masrof tha k ap k sath nhi ja ska.

She was so hasty that she didn't wait for me.                     wo itni jaldi main tha k us ne mera intezar na kya

I think you English is not so bad                                           mere khyal main tmhari english itni khrab nhi

that you can't speak it.                                                         hai tum ise bol he nhi skte.

I am so forced that I can't agree wltn you.                      main itna majbor hu k tmhari bat nhi maan skta



Drill

buzz                                       bhin-binana                                        bustle                                  dhakam dhaka

burden                                 bojh                                                       bully                                      lraka

burglar                                  naqab zan                                           burst                                     peetna

burn                                      jlana                                                      bump                                    takkar  

bttocks                                 koolhey


Agla Sabaq "Want I Need+VI ING,Unless," ki mukhtalif qism k istemal ko janiye.