Monday, 12 December 2016

Qiyas Ka Trazu- Hikayat-e-Rumi

Hazrat Ali aik din bala khana par tashreef farma they. nechey se aik yahodi ne ap R.A ki traf dekha tu kehne lga kya ap R.A ko iska ilm hai k Allah tala hifazat ka zimma dar hai aur kya Ap R.A ko haq tala ki hifazat par aetamad hai?
AP R.A ne farmaya: "haan wo khaliq haqiqi bachpan se le kr akhir tak insaan ka muhafiz hai." yahodi ne kha "Agar aap R.A ko waqai is baat ka yaqeen hai tu apne ap ko bala khana se nechey gira dain ta k mjhe bhi maloom ho jaye k khuda Ap R.A ki kaise hifazat krta hai phr main bhi ap R.A ka hum aqeedah ho jao ga. Ap R.A ki ye amli daleel mere husn-e-aetaqad ka sabab bn jaye ge"
Hazrat Ali ne irshad farmaya
"kb bandah ko haq pohnchta hai k wo khuda ki azmaish aur imtehan ki jurrat kry. ae ahmaq nalaiq ! bandey ki kya himmat k wo haq tala ka imtehan ly.
ye baat tu sirf haq tala he ko zaib deti hai k wo apne bando ko imtehan le
"
ta k hum apni haqeqat se agah rhain aur us k alm-ul-gaib hone k barey main hamara aqeedah pukhta rhe.
agar pahar k daman main aik zarrah pahar ki bulandi ko dekh kr khe acha main tjhey wazab kru ga k tu kis qadar tool-o-arz aur wazan wala hai tu us be-waqoof zarrey ko sochna chiye k jab apni trazu par pahaar ko rakhey ga us ki trazu phat he jay ge . us wqt na ye zarrah baqi rhe ga ba uski trazu salamat rhe ge....tu wazan ka khyal mahaz ahmaqana ho ga.
aisey ahmaq apne qayas k trazu par naaz krte hain aur Allah walo ko apne ahmaqana khyalai trazu main tolney ki koshish krte hain.

Jab Allah walo ka buland muqaam in bewaqoofo ki trazu main nhi smata tu khuda un ki gustakhi ki nahu-sat aur shamat k sabab unki trazu he ko riazah raizah kr deta hai aur phr ye km zarf log hamaqat dar hamaqat main mubtala hote chaley jate hai.
Jab is qism k khyala ay tu isko apni bad-bakhti aur halakat ki ilamat smjho aur phr foran sajdah main gir jao aur ro dho kr Allah se panah mango k aise gandey khayal se khulasi, rehai aur maafi ata farma.

No comments:

Post a Comment

Criticize Me If You Think I'm Doing Wrong !