Jinsi Taleem ki Ahmiyt-o-Zrurat

Do jinso ki bahmi mohabbat ka izhar kitna he pur-shokat q na ho,is mohabbat ki jarain jins ki
bunyadi jiballat he main paiwast hoti hain.

jin galat karyo aur bemaryo main log mubtla hote hain in se jinsi msail se na-waqfiyat ka saboot milta hai.tasanu psand ravaya,masnooi haya,aur bnawti sharam ne kbhi b asmat,iffat aur pakdamni ki hifazat nhi ki aur na kr skti hai.insan main tajasus psandi ka jazba aik qudarti hai.lakin log is jazbe ki muzammat krte hain.yed hai k rujjat psando ki aisi muzammat ne tajasus psandi ko fana nhi kr dya bal-k ulte chori chupe dil main gandey aur ghenao ne khyalat ko parwarish krne main madad de hai.is laghv muzammat ka nateja ye nikala k log sciencey maloomat k bjay,zaleel,makrooh aur na-munasib muqamat se galat aur baihoodah maloomat hasil krne lge han.jab pahli martba in main jinsi haijanat jag parte hain tou in k khof ki halat na puchye.

jins haqeqat main wo zarya hai jis ki madad se dunya main hayat ka silsila jari hai.Nar aur Madah ki badolat hayat ki mumkina surtain zahoor main ati hain.apni hayat ko kisi dusrey insani wajood k andar paida kr dene ka kam jinsi jablat anjam deti hai.jins fee-nafsah pak hai.

jinsiyat main shrafat aur nafasat ka madah paidah krna maqsood ho tou jinsiyat ki shi maloomat hasil krna zruri hai jo log jinsi maloomat se be-bahrah hote han ya in maloomat ko hasil krne se g churate hain un k pas na tou jins ka shi taswur hota hai aur na wo zindagi main jins k shi muqam ko pohnch pate hain.aise na-waqif afrad k lye jinsi maloomat ka hasil krna zruri hai.yad rakhne ki bat ye hai k gandagi aur be-asmati ka taluq brahe-raast fard k nafs aur us k amal se hota hain jins se har-giz nhi hota.
jisni gudoodo main khas qism ki ratubtain hoti hain jo mard main rajooliyat aur aurat main nuswaniyat paida krne ki zima dar hoti hain.ris ris kr khoon main jazab hoti aur jism k har hisa main pohnch jati hai.ye he wo tilasmati rtubat hai jis ka asar jism ki har hadi,har asb aur jism k har uzr parta hai.jis ko saf tor par mahsoos kya ja skta hai.isi asar ki badolat jism ki nashu-numa k sath sath nafs ki makhsoos kaifiyat bhi zahoor main ati hain.na sirf ye bal-k fard main naye jazbat ubharte han aur mahsoos hone lgte hain.
aj kal mardo aur aurto par nazar dalye tou maloom hoga k madoodey chand k siwa baqi sharm-o-haya k jhute ahsas main mubtla hain.islye wo apne bacho se is mozo par bat cheet nhi krte aur na krna psand krte hain lakin ye nhi bhulna chiye k aisa bacha jis ko jinsi maloomat se  be-bahrah rkha gya ho,jins ka aik aise mazhar se bhi jo fitrat k taqazey k mutabiq hota hai.khufya tor par ghabrata hai aur baaz oqat tou ye khof aik nafsiyati masley ka sabab bhi ban jata hai jis ki wja se bacha tmam umar zahnni koft main mubtla rahta hai.
ye tou har skhaks janta hai k pahli bar jab ayyam jari hote hain tou aisi larkyan jinhen pahle se maloomat baham na pohnchai gaye ho,intehai darja ghabra jati hain.is trah nafsiyati sadma ka sab se zyada aam sabab wo dahsaht hoti hai jis ka nateja shab-awal main na tajurba-kar dulahnain bhugt-te hain.aise larko par bhi jin ki halat main koi naqs nhi hota aisa wqt ajata hai jab k yaka-yak in k andar jisni haijanat mushtal ho jate hain aur us ishte-al k nateje main inhen ahtalam bhi ho jata hai.is pahley ahtalam se in nawaqif nojwano main jo zahni uljhan paida ho jati hai.is ka andaza nhi kya ja skta hai aur us k bayan krne main kisi mubalgha ki zrurat nhi hai.
hyatyat k asool intekha fitri ru se hawano main nar aur madah aik dusrey ko chun lete hain.madah k mutaliq ye khyal shi nh hai k wo nar se zyadah haseen hoti hai ya us se zyadah jinsi kasish rakhti hai.waqae ye hay k nar madah se zyadah qawi aur zyadah tanasli ahliyat rakhta ha.albatah toleed main nar aur madah brabar k shareek hain aur dono aik dusrey ko apni traf mail krne ki koshish krte rahte hain.chana-chey mosiqar parindo main nar aur madah targeb jinsi k lye gate hain.hirno k bare main ye mushahidah kya gya hai k jab 2 hiran apas main larte hain tou madah hamesha fatah k pas dad shuja-at dene k lye chali jati hai.har nar aeza aur tanasub k lehaz se madah par foqiyat rakhta hai.tansali ahliyat bhi is main itni hoti hai k aik murg 8 murgyo,aik hiran aur aik bin-manas aik aik kulley k lye kafi tasawur kye jate hain.

bache ki khawhish har nojwan larki main hyatyati wazifa k aen mutabiq hoti hai.larki apna rafeeq dhund kr insani takhleeq main magan ho jati hai.is haqeqat se aj tak koi sahib ilm inkar na kr ska k aurat ka hyatyati mashgla aur paisha sirf amomat hai aur amoomat abo-at se mukhtalif hai.islye hama wqt maroof rakhne wale taleemi mashglah  aur paisha mard ki trah jazib nhi ho skta.
larkyo k nisab main aise mozoat ko shamil kya jana chiye jo aurat k hyatyati wazifey ya paishey se marboot ho skain.jaise khana dari,mutalia atfal,uzwyat aur jinsiyat.islye taleem nuswan main mardo k may-arat ko qaim rakhna aur inhe k mutabiq taleem dena galat hai.
mard aur aurat ko pahli aur akhri sadat ikhtelaf main musawaat hai.iska mafhoom ye hai k dono apne apne hyatyati wzaif aur nasabu-l-ain k aetebar se aik dusrey ki zindagi ka zameema ban jain aur ye ishterak mohabbt par mabni ho.