,

Ramdan ka Chaand Dekhne ka Byan

Chaand Dekhne ka Byan


Masla 1: agar asman par badal hai ya gubar hai is waja se ramdan ka chaand nazar nhi aya lakin aik dendaar parhaiz gar sachey admi ne a kr gawahi de k main ne Ramdan ka chaand dekha hai tu chaand ka saboot ho gya chahey wo mard ho ya aurat ho.

 

Masla 2: aur agar badli ki wja se eid ka chaand na dekhai tu aik shaks ki gawahi ka aetabar nhi hai chahey jitna bra motabar admi ho bal-k jab 2 motabar aur parhaiz gar mard ya aik dendaar mard aur 2 dendaar autain apne khawand dekhne ki gawahi davain tab chaand ka saboot ho ga.aur agar 4 aurtain gawahi dain tu bhi qabool nhi.

 

Masla 3: jo admi deen ka paband nhi brabar gunah krta rahta hai.maslan nimaz nhi parhta ya rozah nhi rakhta ya jhoot bola bola krta hai.ya aur koi gunah krta hai.shari-at ki pabandi nhi krta tu shara main uski bat ka kuch aetabar nhi hai.chahey jitni qasmain kha kr k byan krey bal k aise agar 2,3 admi ho unka bhi aetabar nhi.

 

Masla 4: ye jo mash-hoor hai k jis din rajab ki chothi usdin ramdan ki pahli hoti hai.shari-at main is ka bhi kuch aetabar nhi hai.agar chaand na ho tu rozah na rakhna chiye.

 

Masla 5: chaand dekh kr ye kahna k chaand bohat bra hai.kal ka maloom hota hai.buri bat hai.Hadees main aya hai k ye qyamat ki nishani hai jab qyamat qareeb ho ge tu log aisa kha kran gaye.khulasa ye hai k chaand k brey chotey hone ka bhi kuch aetabar na kro,na hinduo ki is bat ka aetabar kro k aaj duij hai.aaj chaand zrur hai.shari-at se ye sab batain wahiyaat hain.

 

Masla 6: agar asman bilkul saaf ho tu 2 4 admyo k kahne aur gawahi dene se bhi chaand sabit na ho ga.chahey ramdan ka chaand ho chahey eid ka.albattah agar itni kasrat se log apna chand dekhna byan krain k dil gawahi dene lge k ye sab k sab bat bna kr nhi aye hain.itne logo ka juta hona kisi trah nhi ho skta tab chaand sabit ho ga.

 

Masla 7: kisi ne ramdan shareef ka chaand akeley dekha siway us k shahar bhar main kisi ne nhi dekha lakin ye shara ki paband nhi hai.tu uski gawahi de shahar waley tu rozah na rakhain lakin ye khud rozah rakhay aur agar us akeli dekhne wali ne 30 rozay purey kr lye lakin abhi end ka chaand nhi dekhai dya tu 31 rozah bhi rakhey aur shahr walo k sath eid krey.

 

Masla 8: shahar bhar main ye khabar mash-hoor hai kal chaand hua bohat logo ne dekha lakin bohat dhunda talash kya.phr bhi koi aisa admi nhi milta jis ne chaand dekha ho tu aisi khabar ka kuch aetabar nhi hai.

 

Masla 9: agar kisi ne eid ka chaand akeley dekha.is lye is ki gawahi ka shar-at ne aetabar nhi kya tu dekhne wale admi ko bhi eid krna drust nhi hai.subha ko rozah rakhey aur apne chaand dekhne ka aetabar na kre aur rozah na torey.

 

Dulhan Waley Balo k style


Bridal Jurrey


 

Bubble Jurrey:
tmam balo main kanghi krain phr mos lgain.aur balo ko ikatha kr k rubber band se bandh dain.phr balo ki lat le kr bahir ki traf is ka roll bnain aur pinain lga dain.isi trah thorey thorey balo ko le kr roll bnati jain aur pinain lgati jain.akhir main jurrey k gol shakal de kr set kr dain.


Sixty style Jurra:

pahley samney se balo main maang nikalain front se kano tak sixty ka style bnain.yani samney ki dono traf se aik inch chori lat nikal kr kanghi krain aur kano k pechey kr k pinain lga dain.aur pechey wale balo ko rubber band se band dain.ab pechey k balo se thorey bal roll bna kr samney tak lain.jhan tak maang the whan la kr pinain lgain.isi trah tmam balo k roll krti jain aur pinain lgati hain is trah ye half jurra krain is main samney se tmam roll nazar aye gaye.phr inhain mix kr dain.is jurrey se dulhan ka dupata oncha rhe ga aur bhala maloom ho ga.
 

Double bubble jurra:

pahley tmam balo ko utha kr,pechey se rubber band lgain aur upar se bal uthain,balo ki aik lat le kr andar ki janib upar ki traf kr k roll bna kr pinain lgain.pahley upar,bahir wale balo ko dairey ki shakal main roll bna kr pinain lgati jain.is k bad andar k balo yani pechey poni main aik aik lat le kr in pahley wale balo k roll k upar agay kr k lat ko roll kr k pin lgain.is trah in rolls k 2 round bn jain gaye.pahley aik round chota aur dusra us k upar bra round rolls ka bn jaye ga.akhir main in rolls ko mix krain tu bohat he khubsurat jurra ho ga.

 

Sadah Jurra:

pahley balo main achi trah kanghi kr lain.baal zyadah lambey ho tu tmam balo ko ikatha krain.bain hath ko darmyan main rakh kr girah lgain phr sakhti k sath band dain.is k bad dusri martaba phr hath  k gird balo ko ghum kr girah dain.pahli girah k upar dusri girah ajaye ge.baal aur agar lambe ho tu phr tesri girah bhi us k upar lga dain.akhri sero ko jurrey ki pin lga kr andar ki traf mor kr lga dain.

 

Mandiyan Ka Jurra:

tmam balo ko rubber band se bandh dain.phr thorey thorey baal le kr mandiyan krti jain yani k patli patli bareek chutya bnain.jab tmam balo ki mandiyan ho jain tu phr 3 mandiyan le kr ikathi krain aur ungliyo par roll krti hui upar poni k paas le ja kr pinain lga dain.isi trah purey balo ki jo mandiyan bnai hain in main se 3 3 le kr roll bna kr pinain lgati jain.is trah akhir main pura round ban jay ga.aur jurrey ki shakal main ho ga.bareek wali pinno main golden moti dal kr jurrey k upar set kr lain.bohat acha lge ga.

 

Dulhan Jurra:

pahley front se back coming kr k bal set kr lain.is k bad thora pechey se balo ki aik lat le kr roll bna kr back coming k balo k pas set kr dain.ab aik lat le kr dain traf kan ki traf aik roll bna kr set krain. aur bilkul darmyan main thorey se bal le kr poni bnain.aur in main thorey thorey bal le kr four bubble ka chota sa jurra bnain.is trah bahir wale round ka akhri roll pechey nechey ki janib ho ga.yani gardan se upar,balo k akhir tak aik roll bna pinain lgain.ye jurra bra bney ga aik bahir wala round four bubble ka ho ga aur dusra andar wala chota jurra bhi four bubble ka ho ga.is trah 2 jurrey aik sath jain gaye is k bad in ko mix kr dain.bareek wali pinain moti dal kr lga dain.glitter chirak dain.aur hair spray kr dain.

 

Hair Treatment:

jab kisi khatoon k bal ghane na ho bal-k be-jaan ho.ya taizi se gir rhe ho tu beautation is khatoon ko hair treatment mashwarah deti hai.

Khushk balo k lye sab se pahley balo main tail lgain aur msaj krain wqt kam az kam adh ghnta hona chiye.ahista ahista ungliyo se msaj krain is k bad lady ko bed par leta dain aur steamer on kr k balo main steam dain.steamer stand wala hona chiye ta k isey agay pechey kya ja ske.pahley dain side par steam dain ungliyo se balo ko idher udher krti rhain.phr bain side se bhi isi trah steam dain tmam balo ko agay pechey kr k steam dain ta k tmam sir ko steam mil jaye aur halkey halkey hatho se ungliyo se balo main msaj krti jain.

Taqreeban 10 mint steam dain us k bad kuch dair k lye chor dain.jab thandah ho jay tu balo ko dho dain.is k bad balo main monitor se kanghi krain aaj kal bazar main kisi bhi bri shop par hair monitor k naam se ye mil jay ga.ye kanghi ki trah hota hai.taqreeban gol hota hai.aur aik side par choti c red light hoti hai jaise jaise ap is se purey balo main kanghi krain ge jhan bhi bal km ho gay ye light on of hoti rhe ge.tmam sir main dain bain agay pechey is se komb(kanghi) krain.kam az kam 50 dfa is ko balo main phairain.

ye amal 3 din krna ho ga.is k doran clint mashwarah dain k wo khurak ki traf towajah de tazah phal,sabzyan khain.pani zyadah se zyadah pye aur khush rhain.tu yaqenan na sirf bal barhna shru ho jaye gaye bal-k ghane aur khubsurat ho gay in main jaan ajaye ge aur chamak paida ho ge.

 

 

Hair Style


Hair Style


Hair style bnaney se pahley chand hedayat

balo ka saaf hona zruri hai achi trah dhuley hue ho.

balo main gel lgain phr mos lgain

balo par apne hatho ki grift mazboot rakhain.ta k hair style bnate hue bal dheele na ho.

hair style bnate wqt talkum istemal krain.

hair style bnane k bad hair spray krain.glitter lgain aur agar chahain tu heads bhi lga dain.

 

Cone Jurra

 tmam balo ko achi trah kanghi krain phe in ko ikatha kr k bal dain aur bain side par ikatha kr k andar ki traf mor kr tmam sero ko andar kr dain aur jurrey ki pinain lga dain.upar sirf kon ki shakal ho aur khubsurti aye.

 

Double Cone Jurra:

tmam balo ko kanghi krain aur pechey se nisf kr lain.darmyan main se maang nikal lain.pahley dain traf k balo ko pakar kr andar ki side par bal dain.kanghi krne k bad samney se darmyan main lat nikal lain.ab aisa kejiye k dain traf side k balo ko andar ki traf bal de kr sero ko andar krain aur jurrey ki pinain lga dain.phr bain traf k balo main kanghi krain aur inhain bhi andar ki traf bal de kr sero ko andar krain aur jurrey ki pinain lgain.ab dono cones ko qareeb krain.phr wo lat jo agay chori the us ki chutya bnain aur dono cones k darmyan main la kr pechey nechey ki janib hair pinain lga dain.

 

Basket Jurra:

sab se pahley kanghi krain phr aik lat le kr kaan k upar se pechey tak chutya bnain.isi trah bain traf se lat le kr pechey chutya bnain u dono traf lato se 2 cutyan bn gaye hain.ab darmyan k balo main kanghi krain aur inka roll bnain aur nechey ki traf mor kr hair pinain lgain phr aik chutya dain roll k upar la kr bain roll main andar kr k pinain lga dain.phr bain side ki chutya dain traf par roll k upar se us k andar krne k bad hair pinain lga dain.

 

One Roll:

sab se pahley kanghi krain upar clip main lga dain.phr dain traf se kaan k nechey ki janib thorey se baal lain kanghi krain aur unhain unglyo par roll kr k balo k sath hair pino se set kr dain phr us k sath aur baal lain,kanghi krain aur roll krain aur hair pino ki madad se set krain is trah dain se bain tak roll kr k set krti jain aik kaan se dusrey kaan tak pechey ki janib ye amal kijiye phr tmam rolls ko apas main mix krain ta k wo aik roll ki shakal main ajain.aur diray k surat main nazar ajain.

 

Gainday ka phool:

tmam balo ko rubber band se band dain.is trah aik poni bn gaye hai.phr aik aik bareek lat le kr unglyo par bal de kr poni k sath la kr pin lga dain.charo traf poni k isi trah bareek lato se bal de kr pino ki madad se lgati jain is trah jurrey ki gol shakal ajaye ge aur dekhne main bilkul gainday ka phool lge ga phr glitter lga dain.hair saprey kr lain.aur agar chahain tu moti bhi lga dain.

 

Swiss Roll:

sarey balo main kanghi krain aur aik rubber band se poni bna lain.phr balo k akhri serey se ungliyo par roll bnana shru krain aur poni k upar tak la kr dono traf pinain lga dain phr is one roll ko dono traf phailain.yhan tak k isey purey direy ki shakal main phaila kr nechey ki traf andar kr k rukh pinain lga dain.aur phr dono sero ko mila kr bareek pinain lgain.is trah purey round main jora bn gya.

 

Round French:

dain traf se kaan k upar se baal uthain aur kanghi krain.phr french ki trah bahir ki traf upar se aik aik lat le kr chutya bnati jain samney se aisa lge ga k jaise hair band lgaya hua hai.agay se pechey tak french chutya ki trah krti jain.aik traf se dusri traf tak round bn jay ga akhri serey ko jhan se chutya bnana shru ki the wahen pechey ki janib la kr andar ki traf mor kr pin lga dain.round french tyar hai.

 

Paich wala jurra:

tmam balo ko ikatha krain aur rubber band se band dain phr balo ki aik aik bareek lat le kr usey achi trah bal dain.akhri serey tak khoob bal dene k bad akhri serey ko andar kr k pin lga dain.har lat ko isi trah bal dekh pin lgani hai.round main pura jurra ban jay ga aur bahir se koney agar nikley ho tu unhain dairey ki shakal main lapait kr pinain lga dain.

 

Burger Style:

pahley tmam balo main achi trah kanghi krain.aur pechey se balo k 2 hisey kr lain.bain traf k balo ka aik roll bnain aur pinain lgain aur phr dain traf k bal is k upar la kr pinain lga dain ta k nechey wala roll chup jaye aur upar dain traf k baal ajaye gaye.ab in balo ko raar ki madad se roll kr k ghunghryaley bna lain aur aik side par agay kr lain ye bohat khubsurat nazar aye ge.ya agar khuley na chorna chahain tu pechey ki traf he pinno se set kr dain.

 

Pyazi Poni:

pahley tmam balo k 3 hisey kijiye.phr upar wale balo ko chor kr darmyan wale balo ka sadah sa jora bna dain.balo ko bal de kr golai main lapait dain,aur pin lga dain.ab balo k sab se nechey wale tesrey hisey ki chuta c bna lain.phr upar waley baal jo ap ne chorey the us jurrey k upar  ayin.hatta k jurra chup jaye phr nechey wali chutya is jurrey k upar k balo par golai main lpait dain.aur akhri serey ko andar ki janib mor dain

 

Zig Zag Maang:

balo main kanghi kijiye phr talkum se balo main zig zag ki trah kanghi krain aur pechey la kr khtam kr dain maang nikalney se pahley balo ko gel lga lain.phr maang nikal kr kanghi se set kr lain.

 

Back Coming

samney se balo main kanghi krain.aur aik kaan se dusrey kaan tak baal nikal kr agay clip kr dain.phr thorey pechey k baal nikal kr kanghi se back coming krain aur pinain lga dain.phr front k baal is k upar lga kr safai se kanghi krte hue is par la kr pechhey pinain lga dain.is trah front se golai main baal unchey uthey hue khubsurat lgay gaye.

 

Sadi Chutya:

 

pahley tmam balo ko kanghi ki madad se se sedha krain aur balo ko 3 hiso main taqseem krain phr sab se pahley sedhi traf ka bal lain.aur us ko darmyan wale bal main dalain is trah darmyan wala bal nechey rah jay ga aur sedhi traf wala bal upar ajay ga isi trah wo tesrey bal main dalain ab is bal main tesra bal upar ho ga.aur sedhi traf wala bal nehcey phr isi trah se ye chutya bnate jain gaye,

 

4 balo wali chutya:

pahley kanghi kr k balo ko 4 hiso main taqseem krain phr sadi chutya ki trah 3 balo ki chutya bnain aur dain side ka bal chor kr dusri traf k 3 bal bna lain aur chutya krain pahley dain traf k 3 bal bna kr chutya krain phr bain traf k 3 bal bna kr chutya krain.

 

Khajuri Chutya:

sab se pahle kanghi krain aur pechey ki traf se balo ko 2 hiso main taqseem krain phr dain traf k balo k hiso main se nechey se aik lat nikal kr bain traf k balo main upar shamil kr dain.isi trah bain traf k balo k hisey main se nechey se aik lat nikal kr dain traf k balo k upar shamil krain,u aik martaba dain se aik martaba bain traf se lain.aur chutya krti jain.

 

Rassi numa Chutya:

pahley balo main achi trah kanghi krain aur balo ko 2 hiso main taqseem kr lain.phr har hisey ko alag alag aik he rukh par bal dain aur ikatha kr k aik dusrey k upar krte hue bal de kr chutya krti jain.

 

French Chutya:

pahley balo main achi trah kanghi krain ab sir k upar,bilkul darmyan main se balo ki aik choti aur patli se lat le kr chutya bnain.is k 3 he bal bnaney ho.ab har dain wale bal main har dain traf se balo ki moti lat shamil krain phr bain traf se balo ki lat lain aur bain traf wale bal main shamil kar lain.isi trah aik lat dain traf se aik bain traf se leni hai.gardan tak krain us k bad nechey sadah chutya bna dain.

 

Sedhe balo wali Chutya:

pahley balo main achi trah kanghi krain phr agay se balo ki aik bareek c lat le kr chutya krain.sir k bilkul darmyan main se bal lain.pahley dain traf se bal lain phr bain traf se bal is main shamil krti jain.magar ye bal upar ki traf yani bahir ki traf ho gaye aur chutya upar ki traf numaya sadi chutya ki trah nazar aye ge.nechey se sadah chutya he bne ge.

 

Aik side Wali french chutya:

balo main achi trah kanghi phr dain traf yani agay ankh k upar bareek c balo.is bareek choti chutya par pahley dain traf se balo ki moti lat le kr is main shamil krain aur aik bal dain phr dain traf se lat le kr is main shamil krain.q k ye dain traf wali hai.is lye is main sirf dain traf se he shamil krain gaye aur aik traf se he lain gaye.jab ye nechey gardan tak ho jaye ge phr dusri chutya bain traf se bnain.isi trah dono traf ki chutya ban jaye tu nechey pinain lga dain aur gardan se nechey sadah chutya kr lain ay jurra bna lain.

 

Aik side Wali Rassi Numa Chutya:


pahley achi trah kanghi kr lain.phr ankh k upar balo ki bareek lat lain.bareek lat balo main aur dono k 2 hisey krain.aur inhain aik he side se alag alag bal dain aur phr ikathi krain.wo rassi ki trah ban jay ge.ab aik k balo ki moti lat lain pahley dain traf se phr bahir waley bal is main shamil krain.ikathi kr k bal deti jain ye rassi ki shakal bnti jaye ge.har lat bahir se balo ki is  main shamil krni hai.sir k dono traf se isi trah chutya krti jain aur akhir main peche pinain lgain aur nechey se sadah chutya ya jurra krain.

Mukhtalif shades main make up


Mukhtalif shades main make up


Gray make up

sab se pahley jild ko achi trah saaf kr lain.phr chehrey par make up stick ki madad se base lgain.gardan aur kano ko nazar andaz na krain.is k bad ankho ka make up shru krain.is k lye pahley white make up stick lgain.phr black shade lgain us par gray shade dain.ye puri ankh par na lgain.sirf paputey par is k upar silver high lighter lgain.eye brows k kono tak.eye shades ko achi trah mix krain.eye brows ko eye pencil se dark kr lain.is k bad maskara lgain.aur phr eye liner ankho ki shape k mutabiq lgain.ankho k nechey bhi lgain tu bahtar hai.phr naak ki shape bnain.blusher lgain aur lip stick lgain.maroon ya surk dress ho us par jo acha lge aur hair style bnain.

 

Pink Make up:

pahley chehrey par agar garmi hai tu barf ki tikor kr lain.phr mosam ki munasibat se stick ya pan cake jo bhi ho wo lga lain stick ko purey chehrey par lga lain.2 stick dark aur light shade mix kr k lga lain.paf se achi trah mix kr lain.

phr eye shade k lye ankh par make up stick base lga lain us k bad pink shade lgain aur balai high lighter lgain.eye brows ko brown pencil se thora dark kr lain.maskara pahley transparent lga lain phr wo khushk ho jay tu black ya brown  bhi lga lain.is k bad eye liner ankh ki shape k mutabiq lga lain.mota patla ya thora sa bahir ki janib bhi ho skta hai,ankh k nechey bhi lgain.

White eye pencil bhi ankh k andar lgai jati hai jis se ankh bri aur roshan nazar ati hai.aur black se choti aur gahri nazar ati hai.ye ankh ki shape k mutabiq lgani hai.

is k bad  maroon lip pencil se honto ki out line bnain aur andar pink lip stick lgain.galo par pink blusher lgain.natural shade bohat khubsurat pink lge ga.pink dress k sath aur akhir main hair style bnain.

 

Brown make up:

garmi ka mosam main make up se pahley chehrey par barf ki tikor kr lain.balo ko achi trah band ki madad se upar band lain.shirt k galey main tolya lgain.q k chehrey k sath sath gardan ko kbhi bhi na bhulain.

ab chehrey par gely spong ki madad se make up stick lgain.phr fixing powder lgain.is k bad eye brow pencil ya bursh se brown shade main eye brows ko shape de lain.eyes ki base peleey rang se bhar dain.phr brown shade lgain is trah se paputey par agay halka aur pechey corner gahrey krain aur eye shades mix kr dain.phr us k upar golden shade de lain aur mix krain ta k ye pta na chaley k shade khan khtam aur khan shru hue.aur us k upar yani eye brows k sath high lighter dain jis se ankhain khubsurat aur chamakdar nazar ati hain.pahley transparent lgain phr maskara lgain jis se palkain ghani nazar aye ge.is k bad eye liner bursh ki madad se lgain.ankh k agey se shru kr k pechey tak lgain mota ya ptala ye apki ankh k mutabiq hoga.aur ankh k nechey bhi lgain.

is k bad blush on brown shade main lgain.phr honto ki shape lip pencil ya bursh se bnain.aur lip stick lgain.

 

Purple Make up:

sab se pahley chehrey aur gardan par geley sponge ki madad se make up stick lgain us k bad fixing powder lgain.aur eye shade lgana shru krain.pahley lemon color se ankh ki base bnain.is par purple shade is trah lgaiye k pahley light pink phr purple ab in dono ko mix kr dain.aur is par golden shade lga lain.aur mix krain.ankh ki shape ki trah purey paputey par lgain.aur akhir main V shape ki trah shape dain.eye shade bahir na nikaley aur na idher udher phailey

phr pahley transparent maskara lgain aur us par black maskara lgain.eye liner ankh se zra bahir nikal kr lgain yani ankh k akhir main thora thora bahir nakalain.aur nechey ki traf bhi thora sa bahir nikalain.is trah ankhain khubsurat lge ge is ko double liner kehte hain.jo bohat acha lgta hai

is k bad galo ki hadi par blush on lgain.ab honto ko out dain.andar lip stick lgain aur har jgah se chek krain k koi kmi tu nhi rah gaye dress aur make up k sath matching nail polish lgain.purple lip stick achi lge ge aur agar ankho k nechey purple eye shade ki halki halki line lgain tu ye bhi bohat acha lgta hai.

 

Blue Make Up:

chehrey aur gardan par make up se base bna lain.phr fixing powder lgain.jhan khin koi daag dhaba nazar aye us ko lga kr make up stick se chupa dain.geley spong se tmam tah brabar kr lain.phr eye brows ko pencil ya bursh ki madad se shape dain.is k bad eye shade shru krain.ankho ki shape puri lemon color se bna lain.is par light blue eye shade lgain is k bad gulabi pink phr nela shade dain.aur in sab ko achi trah mix kr lain ta k ye shade khubsurti se aik dusrey main jazab ho jain aur acha nazar aye.akhir main is k upar golden shade ka touch dain.light golden palko k upar aur nechey lga lain.

eye liner bhi ankh k upar aur nechey lgain.chahain tu eye pencil ankh k andar lgain.phr blush on browb shade main lgain.honto par out line bnain.aur bursh se gulabi ya brown lip stick lgain.aur agar eye liner bhi blue lgana chahain tu bhi bohat acha lge ga.

aur gardan k ird gird tolya phaila dain ta k qamez khrab na ho.agar garmi ka mosam hai tu chehrey ki barf se tikor kain aur agar sardi hai tu zruri nhi phr hum stick istemal krte hain aur garmi hai tu mukhtalif gahrey shades main Pan Cake istemal krain.light aur normal shades mix kr k lgain jaisa dulhan ka libas ho us k sath golden shades bhi istemal krain aur mixing krain.high lighter golden lgain.eye brows ko brown pencil se shape dain.ankho k kinarey bnain eye shade k sath lgain.eye liner mota sa lgain upar aur nechey ki traf ahtyat k sath line lgain.chehrey par ankhain aur hont hmesha khubsurti se bnain q k is se nikhar paida hota hai.libas k mutabiq lip pencil se out line bnain phr lip stick gahri lgain.blusher lgain naak ki shape bnain.palko par maskara bhi 2 martaba lgain pahley aik martaba lgain jab wo khushk ho tu phr dusri martaba lgain.ta k palkain khubsurat nazar ayin.chehrey par foundation ki tah ko check krain jhan jhan halki ho wha mukammal kr lain.brey bursh k sath shiner lgain.is k bad hair style bnain gaye.phr dulhan ko julery pahnain.dupata set krdain.lahnga pahnain.dupata fashion k mutabiq pino se set kr lain.hatho aur bazu par stick lga kr paf se mix kr dain.nail polish pahley se lga dain aur bad main perfume lga dain.dulhan tyar hai.

 

Mukhtalif ankho par make up


Ankho ka make up

ankhain insan k chehrey ka sab se khubsurat aur numaya hisa hain.ankho ki badolat insan ki puri shaksiyat ki akasi hoti hai.is lye ankho k make up par bhi khasosi towajah dena chiye.ankho k make up se qabal ye janna zruri hai k ap ki ankhain kis qism ki hain.q k make up ankho ki bnawat dekh kr he kya jata hai.

zail main in par mukhtalif qism k make up ki tafseelat darj zail hain.

 

Bri Ankho Par Make Up

bri ankhain har aurat ki kamzori hain.har aik ki khawhish hoti hai k kash us ki ankhain bri aur dilkash ho agar ap bhi bri aur khubsurat ankho ki malik hain tu yaqenan ap khush naseeb hain aisi ankho ka make up krna qadrey asan hota hai.

ankh k upri paputey par narm eye pencil se gehri line lgaye.ankh k upri paputey par eye shade lga kr purey paputey par phaila lejiye.ab isi shade se gehray shade ka eye shade le kr usey adhey paputey par lgate hue bhanwo ki nok tak yani bahir ki traf phailiye.ab ankh k upri paputey aur bhanwo k darmyan ki shikan par bursh se gahra eye shade lgaye.bhanwo k nechey high lighter lgaye,is make up se ap ki ankho ka husn  be inteha nikhar jay ga.

 

Choti ankho par make up

choti ankhain rkhne wali khawateen ki ye khawhish hoti hai k wo aisa make up krain jis se un ki ankhain bri aur kushadah  nazar ayen.is maqsad k lye khawateen pahley ankh main kajal lga kr ankh ko gosho se brey brey kajal k dorey khench lya krti the.mojodah dor main kajal ankh k andar lgane ka fashion khtam ho gya hai.ab uski jgah eye pencil ne le li hai.lakin eye pencil ankh k andar ki bjaye ankh k bahir lgai jaye tu ankhain bri nazar ati hain.lakin mahireen husan is bat par zor dete hain k ankh main eye pencil ki line wazah nazar nhi ana chiye.q k is se ankh choti lgti hai lakin kuch log is khyal se mutafiq nhi aur un ka kehna hai k ankh  main line lgi ho tu wo choti nazar ay ge.aur ye k ankh main eye pencil lga kr is line ko halka sa mita dena chiye.is se ankhain bri aur gahrai lye hue nazar ati hain.choti ankho main eye pencil 4 mrahil main lgai jati hai.jis se ankhain wazah aur bri lgne lgti hain.

narm eye brow pencil le kr apne upari paputey k kinaro par line bnaiye.ye he amal nichley paputey k kinaro par bhi krain.lakin ye galti har giz mat kejiye k ankh k shru aur akhir k gosho ko khali chor dain.bal k eye pencil ankh k aik serey se dusrey tak lgain.ab paputey par zra gahrey shade ka eye shade lgaiye.high lighter is trah lgaiye k wo apki bhanwo k kinarey tak ajaye.agar apki ankhain choti aur un k darmyan fasla km hai tu apko chiye k ankh dono gosho main halkey shade ki foundation lga lain.is se ap ki choti ankhain qadrey bri nazar aye ge aur khubsurti main izafa ho ga.choti ankho ko bra bnaney ki garz se galat qism k make up se parhaiz krna chiye.

 

Gulafi ankho par make up:

gulafi ankho ka shumar bhi khubsurat ankho main hota hai.in ankho par jitni khubsurti se make up kya jaye utni he zyadah khubsurat nazar ati hai.sab se pahley tu purey paputey par eye shade lgaiye.ab bhanwo k nechey bi-lighter lgaiye.is k bad ankho main gahrey rang ki eye pencil lgaiye.

 

Gahri aur nasheli ankho par make up:

gahrei aur nasheli ankho ka shumar khubsurat ankho main hota hai.agar ap ki ankhain gahri gahri hain tu ap halkey shade ki base bnain,phr halka gulabi ya badami eye shade ankh k paputey par lga kr is trah phailiye k ankh k goshey se paputey k darmyan tak aye yani adhe paputey par lge,ab baqi adhey paputey par is shade se gahra shade lgaiye.ankh main eye liner se out line bnaiye.ye line ankh k aik serey se dusrey serey tak honi chaiye.maskara upar ki traf aur nechey ki traf lgaiye.

 

Badami ankho par make up:

badami ankho ka shumar bhi pur kashish aur khubsurat ankho main hota hai.lakin magribi mumalik main badami ankho ki khubsurti ka tasawur nhi hai.in k make up ka triqa bhi wohe hai jo bri ankho k make up ka hai.

Jild ki saakht aur chehrey ki rangat k mutabiq make up bnaiye


Jild ki saakht aur chehrey ki rangat k mutabiq make up bnaiye

sajney sanwarne k lye jhan make up ka saman aur us k shi istemal janna zruri hai.whan ye bhi zruri hai k make up krne se paishtar apko ye ilm bhi ho ho k ap k chehrey k khad-o-khal kaise hain.apki rangat kaise hai.jild ki sakht kaise hai.aur ap k chehrey par kis qism k make up munasib rhe ga,is k sath he sab se aham bat ye hai k apko ilm hona chiye k kis qism ki jild par make up hona chiye.aye main apko btata hu.

 

Chikni Jild par Make up:

chikni jild par hmesha make up krna chiye,chehrey par skin tonic ki bjaye strangent istemal krain.aur make up water base main ho.jis se skin par chiknai nhi nikley ge.make up se pahley chehrey par barf ki tikor zrur kr lain,

 

Khushk jild par make up:

moistutrizers lotion khushk jild k lye istemal hota hai.ye jild ko nami aur rogan fraham krta hai.chikni jild ko is ki zrurat nhi hoti.khushk jild par aap make up stick istemal kr skti hain.jis se khushki zahir nhi ho ge.oily base is k lye bahtar hai.

 

Normal jild ya mili juli par make up:

ye jild sab se bahtar hoti hai.is jild ki hamil khwateen chikni aur pani ki amaizish wali dono make up base istemal kr skti hain.

 

Hasaas jild par make up:

Hassas jild bohat nazuk hoti hai.aisi jild rkhne wali khawateen hmesha jild k msail ka shekar rahti hain kbhi daney nikal ate hain tu kbhi alergy ho jati hai.aisi khawateen ko chiye k wo jo foundaiton istemal krain is main chiknai shamil na ho,q k in ki jild k musamaat waise he zyadah chiknai krte rhte hain.is lye inhain chiye k wo adwayat par mushtamil foundation istemal krain.

 

Keel aur muhaso par make up

aisi jild par make up krna bohat mushkil hota hai.q k keel muhasey chiknai ki wja se nikaltey hain is lye aisa make up istemal na krain jis main chiknai ho water base he bahtar rhe ge.

 

Gandami Rangat par make up:

gorey rang par har trah ka make up ho jata hai.lakin agar gandami rangat rkhne wali khwateen make up k silsiley main sileqey kaam na lain tu in ka chehrah bad-numa aur rang siyah nazar ane lgta hai.gandami rangat rkhne wali khwateen ko chiye k make up khredte wqt apne hath ki skin par foundation ya make up stick lga kr check kar lain basestie khredain jo in ki rangat se thori fair ho.

 

Surkhi mail rangat par make up:

surkhi mail rang par har wqt surkhi dorti rahti hai.lakin is k sath he jgah jgah surk surk dhabey bhi nazar ate hain.khas tor par naak ki nok par,thori par,rukhsaro par,aur mathey par surk nishanat wazah hote hain.aisi jild rkhne wali khwateen ko chiye k wo pelahat mail gulabi rangat ki foundation ya stick ka intekhab krain.q k is shade ki base chehrey ki surkhi ko bhi chupaye ge aur us k saht saht chehra qudarti surkhi se mahroom bhi na rhe ga.

 

Zard rangat par make up:

pelahat mail ya zard rangat wali khawateen ko gulabi aur halkey orange shade k imtezaj wali foundation ya stick khredni chiye q k is shade ki foundation lgane k bad in k jism ki jild ka rang chehrey k rang se zyadah mutazad na lge ga.

is k ilavah dusra shade pelahat mail brown aur gulabi ka bhi lya ja skta hai.in dono rango ki foundation lgane se pahley inhain yakjan kr lya jaye.is se chehrey par qudarti tazgi aur gulabi pan ka ahsaas paida ho ga.

 

Siyah Rangat par Make up

siyah rangat wali khawateen ko halkey naranji ya gulabi shade ki foundation lena chiye.is se in k chehrey par sahat mand tazgi ka tasur ubhrey ga aur gora krne ki bilkul koshish nhi krni chiye.is se un ki rangat aur buri lge ge.is lye aisi rangat par aisi base istemal krain jo dekhne main achi lge.

Mukhtalif chehro par make up ka mukhtalif andaz


Mukhtalif chehro par make up ka mukhtalif andaz


 

acha make up tab he ho skta hai agar ap chehrey ko mad nazar rkh kr make up krain.banawat k lehaz se chehro ki kai iqsam hain maslan gol chehrah,lamba chehrah,patla chehrah aur kitabi chehrah..in mukhtalif chehro par make up k andaz bhi mukhtalif hote hain.

 

Gol Chehrah:

gol chehrah khubsurat aur haseen smjha jata hai.lakin is par make up k lye ahtyat ki zruat hai.make up k lye balo k style se bohat madad milti hai.is lye balo ko dheela dheela rakhain aur khench kr na bandhain balo ki latain dono traf thori thori nikal lain.agar maang chori hai tu upar ki traf bal bnain.agar gardan lambi hai tu sedhi maang na nikalain.

naak choti ya chapti hai tu naak k upar ki hadi par halka halka powder lga kr usey zra numaya krain.naak k dono sides par dark shades main powder lga dain..is trah naak onchi nazar ay ge.agar ap chehrey ki golai ko kuch km krne ki khaw han hain tu us k lye apko thori c mahnat krni pre ge.yani make up se pahley chehrey k kinaro yani jabro k darmyan shade dena ho ga.chehrey ki converting krain.is trah chehrey ka gol hisa qadrey dab jay ga.ye kam asan nhi is k lye kafi practice krne ki zrurat hai tab khin ja kr ap apne gol chehrey ki golai km krne main kamyab ho ske gaye.is k ilavah blushes bhi rukhsaro ki hadi se nechey ki traf lambai main lgain.is trah thori par blushes chorai main lgain.gol frame ka chashma har giz na lgain.bal k chora aur upar ko utha hua frame istemal krain.

 

Takoon chehrah:

takoon chehrah k sath kushadah paishani aur thori khubsurat smjhi jati hai,chehrey par mamooli bunyadi make up krain.phr paishani ko zra gehra krain ta k is ki chorai km maloom ho aur jabro ki line par taiz make up krain chehrey k tang hisey aur chorai paishani ko brabar rkhne k lye balo ka aik gucha mathey par dalney se bhi paishani ki chorai km maloom ho ge.maang sedhi na nikalain bal k terhi nikalain aur jabro ki line ko numayan krain.agar apki ankhain choti hain tu bhanwo ko zra nechey ki traf jhuka dain ankho k gird kajal ya pencil se line bnain aur sirf palko ki noko par maskara lgain.chashma k lye frame bhari aur bra na lain.bal k halka sa nazuk frame lgain.bhanwain jaise hain waise he rahne dain rukhsaro k ubharo par bhi shade lgain.upar k hont ko zra sa kham de kr lip stick lgain.nechey k hont par bhi is trah lgain agar thori bohat choti hai tu chehrey k nichley hisey ko zra gehra kr dain agar blush on ankho k halqo k nechey se naak k nathne ki traf qadrey golai main lgain ge tu is trah chehrey ka takoon pan bhi km ho jaye ga.

 

Lambotrah Chehrah:

lambotrah chehrah lamba aur dubla hota hai.chehrey ki lambai aur naqoosh ko numayan krne k lye kuch na krain.sir k bal upar se dbe hue aur itraf se phuley hue ho.maang sedhi nikalain kano k upar khule hue baal na bnain.bhanwain kham wali bnain muskrane se jor rukhsaro k ubhar paida hote hain un par golai main gazah lgain.honto par qudarti shakal main he lip stick de jiye,

agar ap apne lambey chehrey ko km kr k chora krna chahti hain tu apne dono rukhsaro aur jabrey k bahir ki traf halkey shade ki foundation lgaye.is k bad blusher lgaye.is make up se apka lamba chehrah qadrey chora ho jay ga,aap ayne main dekh kr andazah lga lain k ap ka chehrah darmyan se chora dekhai de ga.

 

Chakoor Chehrah:

chakoor chehrah bhi khubsurti ki alamat smjha jata hai.aur dunya ki baaz haseen treen shaksiyat aise chehrey ki malik hoti hai,lakin baaz oqat aisey chehrey se mardana pan aur ziddi shaksiyat ka bhi izhar hota hai.balo ka shi style chehrey k is chakoor pan ko kisi had tak km kr deta hai aur chehrey ko baizwi shakal de skta hai is lye baal pechey ki traf phooley hue aur onchey bnain.

balo ko sedha peche ki traf brush krain aur phr inhain hath se dba kr oncha krain.maang na nikalain.agar ap dubli hai tu bohat achi bat hai.bhanwain bri aur mahrab numa bnain.unhain zyadah onchi na bnain.jabrey k ubharo k upar aur nechey  blusher lgain aur muskrane se jo hisa rukhsaro ka ubharta hua us par blusher gahra lgain.honto par lip stick lgain.is trah ap k chehrey k chorey pan main kmi ajay ge.