Lemon Benefits (Lemo K Faiday)

Lemo qudrat k giran qadar atya hai. Mahireen hayaat ne lemo ko akseer kha hai. jigar ki sari kharabiyo k lye Lemo ab-e-hayat hai. jo log lemo k istemal ko apna mamool bna lete hain. wo kbhi pait aur maidah k amraaz ka shekar nhi hote. dil aur jigar k jitney marz hain in sab main lemo be-had faiday baksh sabit hota hai.
Lemo khoon ko saaf kr deta hai chehrey ki rangat nikhar deta hai. dil dharkta ho tu us takleef k azalah k lye lemo ka istemal be-had sood mand hai. adhey gelaas pani main aik lemo ka ras nichor kr nashta se pahley pee lene se bohat sust jigar bhi shi kam krne lgta hai.
bad-hazmi k azalah k lye khana khaney se aik ghanta pahley pani ka aik gelaas jis main lemo ka rus milaya gya ho mojzah numa asar rakhta hai. jo log us amal ko apna mamool bna lete hain inhain bad-hazmi ki shekayat nhi hoti.
Nehar munh aik gelaas neem gram pani main aik lemu nichor kr pee lena apna mamool bna lain tu lemo ki mojzah numai dekh kr aap heran rah jay gaye.
Galaye main kisi trah ki takleef ho tu aik kagzi lemo ka rus aur itna he shahad mila kr chatney se aram milta hai. nishasta aur protein ko hazam krne k lye be-had faidah baksh hai. maidah main turshi ki kmi ki wja se hazma kharab ho tu lemo se bohat hota hai. qaroh maidah aur dard-e-shikam lemo k ras ko dudh main mila kr nehar munh piya jay tu dusri dawao se zayadah faidah bakhsh sabit hota hai.


Be-Waqoof Hamsafar

Hazrat Esaa A.S k sath aik admi safar kr rha tha us ne socha is moqa se faidah uthana chiye Paigambar-e-khuda se aisa amal seekh lena chiye jis se pathar sona bn jay aur murdah zindah ho jay. us bewaqoof ne kha k :
"Ya Hazrat A.S mjhe bhi koi aisa nuskha de dain jis se meri dunya sanwar jay aur main parh kr phoon maru tu murdah zindah ho jay." Hazrat Esa A.S us ki lab kushai par bry heran hue k us bemar aur murdah shaks ko apna gam nhi k meri rafaqat se apne murdah dil ka ilaj krly magar ye tu aik din main he taj-o-takht ka malik bnna chata hai.
Hazrat Esa A.S ne farmaya:
"Chuo rah ye tera kaam nhi. is maqam tk pohnchne k lye bri manzilain tay krni parti hain ye quwat tu is wqt hasil hoti hai jab aik umar rooh ki alodgyo ko paak krty guzar jati hai agar tu ne hath main assa pakar bhi lya tu kya hua, is se kaam lene k lye tu Musa A.S ka hath hona chiye. har shaks assa phaink kr azdha nhi bn skta aur na phr azdhey ko assa bna skta hai."
us shaks ne kha : "agar Ap A.S mjhe ye israr-o-ramooz nhi btana chahtey tu na shi meri ye arz qabil-e-pazerai nhi tu mere samney murdah zindah kr k dekha dijye."
rastey main aik gharey main kuch hadiyan dekhen tu arz krne lga "ya hazrat in par dam kr k phoonkye" us shaks k israr par hazrat Esaa A.S majboor ho gay.unho ne hadyo par naam khuda parh kr phoonk mari.ye hadiya dekhtey he dekhtey aik khofnaak siyah shair ki surat ikhtyar kr gay. shair chalang lga gharey se nikla aur us shaks par hamla awar hua aur usey foran halak kr dala.
Hazrat Esaa A.S ne shair se daryaft kya k us ne aisa q kya, shair ne arz kya ya hazrat wo ap k lye takleef ka bais bn rha tha. Hazrat Esaa A.S ne us se pucha k "tu ne uska khoon q nhi piya"
us ne kha "aik tu ye ap ka be-adab aur gustakh tha dusra ab is dunya ab-e-gul ka rizq meri qismat main na tha."
Hikayat-e-Rumi

Result: Be-waqoof log apne israr ur na-shaista harkaat se preshani ko dawat dete hain. Ambiya kraam k be-adb ko janwar bhi bardasht nhi krte. salaaye aam hai yar-e-nukta daan k lye.