Qasid-e-Room | Hekaya-e-Rumi

Hazrat Umar Farooq R.A k ahd-e-khilafat main qaisar-e-room ne apna safer madina main bhaija. qasid darul-khilafa islamia madina pohnch kr logo se khailfa wqt ka pucha k wo khan hai ta k main apna mal-o-asbaab wahan tak pohnchao.
qoum ne kha hamarey badshah ka koi mahal nhi. hazrat Umar R.A ka mahal tu un ki jaan paak hai jo Allah tala k taluq khas aur tajaliyat qurb se munawar ho rhe hai. jis ne inhain sary jhan k shahi mallat se mustashna kr dya hai. qasid-e-room ne dil main socha ye kaisa badshah hai jo aam logo main rahta hai us ka koi hefazti dast hai na rahne k lye koi ali shan mahal rastey main aik aerabi khatoon se khailfa ka pta pucha us ne kha "Ap R.A qabristan k pas aik drakht k nechey aram farma rhe hain."
qasid jab waha pohncha tu us ne dekha Hazrat Umar R.A be-khof-o-khutar zameen par araam farma rhe hain na takht-o-taaj paas hai aur na he fojo lashkar . qareeb pohnch kr  jab us ne ap R.A k chehrah
mubarik ki zyarat tu ap R.A ki haibat se wo kanpney lga aur apne dil main kehne lga. main ne bry bry badshaho ko deka hai aur aik umar tak sultano ka hum nasheen rha hu. mjhe kbhi kisi se khof tak mahsoos nhi hua. maloom ni is shaks ki haibat se mere osan q khta ho gaye hain. is soye hue Akeley admi ko dekh kr mera jism kaanp rha hai us mard ne tu mere hosh ura dye hain.
ye shaks bagair kisi hathyar k aur bgair kisi foji pahrah k zameen par akela soya hua hai. mjh par aisa larzah tari hai k agar mjhe 7 jism aur ata ho jain tu us larz ka tahamul na kr skain. phr wo dil main sochne lga.
 

ye rob-o-haibat is gadri posh ki nhi hai. drasal ye Allah ki haibat hai q k is gadri posh badshah ka dil All k qurb aur maiyat-e-khasah se musharaf hai. pus ye isi maiyat-e-haq ka rob-o-jalal hai. jo us mard-e-haq k chehrah se numaya ho rha hai. qasid inhi bato main khoya hua tha k hazrat Umar R.A ki ankh khul gaye.

Pasand aye tu Lazmi share krain.